Ein dull gweithredu: gweithredu dan arweiniad cenhadaeth.
Yr allwedd i’n dull gweithredu yw cyflawni camau gweithredu sylweddol ar lawr gwlad mewn un lle. Credwn mai dangos dulliau newydd yw’r ffordd fwyaf effeithiol o newid yr agenda yn genedlaethol.
Rydym yn gweld hynny eisoes yn digwydd. Pan newidiodd Cyngor Sir Powys a Pharc Cenedlaethol Bannau Brycheiniog ganllawiau cynllunio ar ein menter, gan alluogi darparu tai ar gyfer mentrau amaethyddol newydd, lledaenodd y syniad yn gyflym ledled Cymru.
Mae gwneud pethau’n ein dysgu’r ffordd ymlaen. Er enghraifft, mae wedi ein harwain i weithio gyda chymdeithas dai i adeiladu ffermydd fforddiadwy newydd. Nid oedd neb erioed wedi meddwl am wneud hynny (gan gynnwys ni ein hunain) nes i ni ddechrau adeiladu ffermydd a sylweddoli beth yw’r problemau gwir.
Ein prosiectau
FFERMYDD FFORDDIADWY
Rydym yn adeiladu ffermydd fforddiadwy newydd. Rydym wedi adeiladu tri hyd yn hyn ac yn awr rydym yn gweithio i adeiladu 30 arall. Rydym yn gweithio ar y datblygiad nesaf gyda Chymdeithas Tai ClwydAlyn.
Ffermydd Sarn
MARCHNADOEDD NEWYDD
Er mwyn cefnogi ffermydd newydd a hefyd arallgyfeirio ar ffermydd presennol, rydym yn datblygu mynediad at farchnadoedd newydd. Rydym yn adeiladu cadwyn gyflenwi i Birmingham, tra bod sefydliadau eraill yn datblygu sianeli marchnad lleol yn ein rhanbarth.
FFERMWYR NEWYDD
Mae Coleg y Mynyddoedd Duon, sydd wedi'i leoli yn ein rhanbarth, yn darparu addysg garddwriaeth agroecolegol. Rydym yn gweithio i ddatblygu llwybr i raddedigion i'n ffermydd newydd. Rydym yn gweithio gyda Farming Connect a Lantra.
Coleg y Mynyddoedd Duon
YMDAITH DDIOGELWCH BWYD
Rydym yn arwain Ymdaith Ddiogelwch Bwyd ym Mhowys a Pharc Cenedlaethol Bannau Brycheiniog. Gyda phobl eraill rydym yn cyflymu gwaith ar lefel gymunedol i feithrin cydnerthedd bwyd.
Ymdaith Ddiogelwch Bwyd
RHANNU EIN PROFIAD
Rydym yn rhannu ein profiad ledled y DU. Mae'r BBC eisoes wedi rhoi sylw i'n gwaith. Rydym yn datblygu sgwrs genedlaethol ar gadwyni cyflenwi trefol-gwledig, ar y cyd â Chyngor Dinas Birmingham.
BBC: Can the UK feed itself in a crisis?Yr heriau sy’n ein hwynebu
Cyflenwad bwyd annibynadwy
Mae newid hinsawdd, ansefydlogrwydd gwleidyddol ac economaidd a rhyfel yn tanseilio’r cadwyni cyflenwi bwyd byd-eang rydym yn dibynnu arnynt. Mae prisiau bwyd yn codi yn ddiwrthdro, gan yrru tlodi bwyd yn ddyfnach ac yn ddyfnach.
Allyriadau carbon
Canfuwyd mai treuliant bwyd a diod yw'r ffactor mwyaf sy'n achosi allyriadau carbon yn ein Parc Cenedlaethol, bron i 50% yn fwy nag ynni cartref neu danwydd cerbydau.
Llygredd dŵr
Mae llygredd sy'n cael ei yrru gan bolisi ffermio cyfredol a chymhellion economaidd yn lladd ein hafonydd.
Mynediad at dir
Ar hyn o bryd, ychydig iawn o gymhelliant sydd i dirfeddianwyr dyfu ffrwythau a llysiau ar gyfer yr economi lleol. Yn y cyfamser, nid yw’r sawl sydd am ddechrau ffermio’n gallu cael mynediad at dir - mae'n rhy ddrud ac nid oes tai.
Ffermio dan bwysau
Mae’r drefn ffermio ar hyn o bryd o dan bwysau anhygoel, oherwydd newid yn yr hinsawdd a phrisiau isel sy’n deillio o gadwyni cyflenwi byd-eang sy’n cael eu rheoli gan nifer fach iawn o gewri ym maes bwyd trawswladol.
Pobl ifanc yn gadael
Mae diffyg tai fforddiadwy a swyddi da’n gorfodi pobl ifanc i adael ac o ganlyniad yn difrodi cymunedau gwledig.
Diolch i’n cefnogwyr!
Y newyddion diweddaraf
Gallwch gael yr holl newyddion diweddaraf ac unrhyw ddiweddariadau eraill
Gwelwch y cwbl
Digwyddiad Sioc Bwyd, Pierhead, Senedd, Caerdydd, 16 Ebrill 2024
Diogelwch bwyd: beth fedrwn ei wneud i ddiogelu ein cyflenwad bwyd?
Cynllun peilot tair ffarm fach ger Sarn ym Mhowys
Mesur yr awydd ar gyfer ffrwythau a llysiau a dyfir yn lleol
Ffermydd sirol: amser i ailfeddwl?
