Ymhlith ein partneriaid ar gyfer y prosiect arloesol hwn mae Cyngor Sir Powys (sy’n darparu’r tir), Ffermydd a Gerddi Cymdeithasol, Shared Assets, Landworkers’ Alliance, Cultivate, Nature Friendly Farming Network, Lantra, Coleg y Mynydd Du, Ecological Land Cooperative, Eco Dyfi a Chonsortiwm Gwlad.
Fferm Sarn: disgrifiad
Bydd gan bob fferm rhyw 12 erw, gyda chartrefi a chyfleusterau’r gweithle gyda’i gilydd ar dir cyffredin.
Comisiynwyd adroddiad i ddisgrifio’r safle: gwastad, ffynonellau dŵr ar y safle, amodau hinsawdd da ar gyfer garddwriaeth, mae’r pridd yn amrywio o silt i glai, gyda llawer o botensial i gyfoethogi bioamrywiaeth.
Y cynllun
Bydd gan bob fferm gartref bach cyfoes, wedi’i insiwleiddio’n dda, gyda chysylltiadau dŵr, trydan a draenio.
Yn unol â’r rheoliadau cynllunio, rhaid i’r rhain barhau’n "symudadwy" ar gyfer y 5 mlynedd gyntaf. Wedi hynny, ac mor bell â bod y busnes yn hyfyw, gellir gwneud cais am ganiatâd ar gyfer cartref parhaol. Gellir cadw’r cartref fel y mae, ei ehangu, neu ei ddisodli gan annedd gymeradwy arall.
Cyfleusterau gwaith cyffredin.
Bydd y cyfleusterau’n cynnwys siedau golchi a phacio, ynghyd â mynediad dros ffordd gyffredin a llawr caled ar gyfer cerbydau.
Ar gael i’w rhentu, wedyn prydles 90+ mlynedd
Am y 5 mlynedd gyntaf, pan geir cyfle i brofi’r model busnes, bydd y ffermydd yn cael eu rhentu. Wedi hynny, ein gobaith yw gallu cynnig opsiwn o brydles 90+ mlynedd i denantiaid, er mwyn rhoi diogelwch hirdymor iddynt ddatblygu eu busnesau a’u bywoliaethau. Ar hyn o bryd rydym yn cynnal trafodaethau gyda Chyngor Sir Powys mewn perthynas â hyn. (Llun gan jcomp ar Freepik)
Lluniau o Ffermydd Sarn
Rydym yn creu amgylchfyd cefnogol ym Mhowys er mwyn i ffermydd ffynnu.
Rydym wedi gweithio gyda’r Cyngor am ddwy flynedd er mwyn datblygu canllawiau cynllunio newydd ar gyfer “Anheddau Mentrau Gwledig". Nod y canllawiau newydd hyn yw helpu ffermwyr llysiau graddfa fach lle mae angen cartref ar y tir lle maent yn gweithio.
Darllen y canllawiau cynllunio
Rydym yn gweithio gyda phartneriaid i feithrin llwybrau newydd i’r farchnad ar gyfer bwyd sy’n cael ei dyfu ym Mhowys:
> "dolenni bwyd" sy’n cysylltu ffermydd lleol er mwyn cael rhagor o fannau gwerthu
> trefniadau caffael cyhoeddus gan y Cyngor ar gyfer ysgolion
> dolen fasnach newydd gyda Birmingham.
Rydym yn gweithio i ddatblygu lleoliadau hyfforddiant a phrofiad gwaith ar gyfer myfyrwyr Coleg y Mynydd Du.
Gwefan y Coleg
Rydym yn creu rhwydwaith cymheiriaid o ffermwyr graddfa fach ar draws Powys, Parc Cenedlaethol Bannau Brycheiniog a Sir Fynwy.
BannauAcres.co.uk
Rydym yn ymgysylltu â’r gymuned leol yn ardal Sarn, er mwyn meithrin croeso lleol a chreu galw ar gyfer bwyd a dyfir ar y ffermydd.
Llun, Andrea Piacquadio
We're engaging with Welsh Government to lobby for better support for small farms and for horticulture, working with the Wales Horticulture Alliance Group.
Horticulture Alliance GroupRecriwtio ar gyfer Ffermydd Sarn
Mae’r dyddiad cau i ymgeisio am Ffermydd Sarn wedi mynd bellach, ond os hoffech dderbyn manylion cyfleoedd newydd, gallwch anfon ebost atom trwy’r dudalen cysylltu. Rydym yn chwilio am dyfwyr profiadol sy’n gallu sefydlu eu mentrau newydd yn gyflym, ac a fydd yn ffynnu’n fuan iawn.
Rhaid i ymgeiswyr feddu ar:
- >O leiaf 2 flynedd o brofiad o weithio ar fferm ffrwythau a llysiau sy’n gwerthu ei chynnyrch e.e. naill ai fel arweinydd neu dyfwr cynorthwyol neu brentis, ac yn ddelfrydol yn helpu cynllunio a rheoli’r fenter.
- >Mynediad at ddigon o gyllid sefydlu ar gyfer eu menter newydd arfaethedig.
- >Dealltwriaeth gadarn o dyfu ecolegol.
- >Cymhelliant i fod yn rhan o fudiad i fwydo’r gymuned, a’r hyblygrwydd i roi cynnig ar ddulliau newydd.
- >Parodrwydd i gydweithio gyda ffermwyr eraill mewn lleoliadau cyffredin.
- >Sensitif i bryderon cymdogion, a’r bwriad i integreiddio i’r gymuned leol.
- >Ymwybyddiaeth o farchnadoedd potensial, sut y gallwch eu cyrraedd, a pha gymorth byddai ei angen i wireddu hyn.
- >Parodrwydd/gallu i gyfrannu at adeiladu seilwaith y fferm o safbwynt ymarferol.
Ein gweledigaeth
Rydym am greu rhagor o ffermydd bach ar draws Powys. Rydym yn gweithio gyda phartneriaid i ddatblygu “ymddiriedolaeth ffermdir” sy’n gallu caffael ar dir ar sail perchnogaeth y gymuned, ac adeiladu ffermydd arno, yn debyg i ffermydd Sarn.
Bydd hyn yn arwain at nifer o fuddion:
- Cyfleoedd i genhedlaeth newydd o ffermwyr i greu bywoliaeth ym Mhowys.
- Marchnadoedd newydd ar gyfer ffermydd Powys – cymunedau lleol, trefi a dinasoedd, a thrwy gaffael cyhoeddus.
- Cadwyni cyflenwi sy’n eiddo i ffermwyr gyda llai o ddynion canol, er mwyn i ffermwyr gadw rhagor o’r elw.
- Diogelwch bwyd – ffynonellau bwyd mwy amrywiol o ran y bwyd rydym yn dibynnu arno, gan gynnwys ffynonellau mwy lleol.
- Swyddi newydd, sgiliau newydd a buddsoddiad newydd.
- Rhagor o gysylltiadau o fewn y gymuned wrth i ffermwyr a thrigolion masnachu â’i gilydd.
- Meithrin cyflenwad newydd o fwyd iachus, llawn maeth, is o safbwynt carbon i’w fwyta’n lleol.
- Dulliau ffermio amaethecolegol sy’n diogelu bioamrywiaeth a’n hafonydd.
